Ribeiro en Común reclama investimentos da Xunta en Ribadavia a través das emendas presentadas aos Orzamentos 2019.

Ribeiro en Común ten presentadas no Parlamento emendas aos Orzamentos 2019 co obxecto de que a Xunta realice investimentos en Ribadavia en Solo industrial e a creación de postos de traballo, en vivenda pública, servizos sociais e saneamento público e infraestruturas.

  • O portavoz de Ribeiro en Común volve ao Parlamento da man do deputado Antón Sánchez para reclamar que a Xunta aprobe nos Orzamentos 2019 investimentos moi necesarios para o municipio de Ribadavia.
  • O Parlamento de Galicia debaterá o 18 de decembro no Pleno as emendas aos Orzamentos 2019 presentadas por Ribeiro en Común a través do deputado Antón Sánchez.
photo_2018-12-14_15-13-37 anton brais pargal

Encontro no Parlamento de Galicia do portavoz de Ribeiro en Común e o vicevoceiro de EnMarea

photo_2018-12-14_15-13-49 anton brais pargal

Brais Fidalgo e Antón Sánchez

 

Ribadavia a 14 de decembro de 2018.

Un Centro de Día, Solo industrial en San Cristovo para o asentamento de novas empresas e creación de postos de traballo,  a reforma e rehabilitación do actual Centro de Saúde, a rehabilitación dos inmobles propiedade do Concello que se atopan en ruínas e destinalas para vivenda pública, un investimento na rede de Saneamento en San Cristovo e nas Chabolas, A Grova e Sanín, e Santo André, así como o arranxo e rehabilitación da Ponte medieval da Veronza, e a Limpeza e mellora da Ponte de San Francisco.

Todas estas propostas de investimento por parte da Xunta en Ribadavia, ademais de moi necesarias e urxentes foron xa levadas por Ribeiro en Común ao Pleno municipal e contan co apoio do mesmo.

Serán votadas o vindeiro martes 18 de decembro no Parlamento e desde Ribeiro en Común agardamos que conten co apoio de todos os grupos parlamentarios correspondéndose co opinión dos seus grupos no Pleno municipal de Ribadavia.

#SeguimosTraballandoEconstruíndoOcambioQueRibadaviaPrecisa

#RibeiroEnComún #UnConcelloDeTodosEparaTodas #PorUnConcelloAberto

 

 

Aquí pódese ver a información de maneira máis detallada das iniciativas e propostas do grupo municipal Ribeiro en Común para o Concello de Ribadavia que traslada a través do grupo parlamentario de ENMAREA para os Orzamentos da Xunta de Galicia 2019.

  • Centro de Día. Consellaría Benestar. (Proposta trasladada anteriormente ao Parlamento).

Edificio da Xunta xa existente e ocupado na actualidade só como Centro Sociocomunitario (Rúa Extramuros), sendo o seu potencial moito maior e permitindo o aforro dun novo edificio. O investimento da Xunta só sería de obras de adaptación á normativa de Centro de Día.

centro dia

Algunha das iniciativas de REC (Aprobadas polo Pleno municipal): https://ribeiroencomun.wordpress.com/2018/09/24/ribeiro-en-comun-pide-no-concello-de-ribadavia-un-centro-de-dia/

 

  • Polígono industrial. C. Industria. (Proposta trasladada anteriormente ao Parlamento).

O polígono de Ribadavia é o máis importante da comarca do Ribeiro, a pesar do cal neste momento atopase bloqueado e sen solo industrial. Esta situación ten a súa orixe nas parcelas subvencionadas e vendidas que se atopan sen construción nin instalación de ningún tipo de actividade o que supón o incumprimento do contrato e bases. A Xunta non pode mirar para outro lado.

poligono sen solo industrial

Algunha das iniciativas de REC (Aprobadas polo Pleno municipal):

https://ribeiroencomun.wordpress.com/2016/11/18/mocion-para-liberar-solo-industrial-bloqueado-no-poligono-de-ribadavia-crear-traballo-e-asentar-poboacion/

 

https://ribeiroencomun.wordpress.com/2018/08/13/poligono-industrial-de-ribadavia-un-concello-incapaz-un-parque-bloqueado-e-sen-posibilidades-de-atraer-empresas/

 

  • Centro Saúde: novo e vello. SERGAS. Consellaría Sanidade. (Proposta trasladada anteriormente ao Parlamento)

Reclamamos a reforma e rehabilitación do actual Centro de Saúde.

ambulatorio-ribadavia

Algunha das iniciativas de REC (Aprobadas polo Pleno municipal):

https://www.farodevigo.es/portada-ourense/2016/12/03/ribeiro-comun-reclama-mejoras-centro/1581838.html

Xa nos Orzamentos 2017 da Xunta de Galicia reclamamos unha partida para o novo centro de saúde #Ribadavia cuxo proxecto data de 2010. Desde Ribeiro en Común anunciamos que co grupo parlamentar de En Marea presentaranse emendas para que cando menos se orzamente unha partida que poña en marcha este proxecto.

Pero, e isto é importante porque sería 2 emendas na realidade, sen esquecer as  reclamacións de mellora e mantemento do actual Centro de Saúde recollidas nunha Moción municipal de decembro 2016: https://ribeiroencomun.wordpress.com/2016/12/13/defendemos-o-novo-centro-de-saude-de-ribadavia-nos-orzamentos-2017-da-xunta/

 

https://ribeiroencomun.wordpress.com/2016/12/02/rec-e-enmarea-reclamamos-o-novo-centro-de-saude-de-ribadavia-e-melloras-no-actual-centro-2/

 

  • PLAN REHABILITACIÓN VIVENDA PÚBLICA EN RIBADAVIA: Vivendas municipais casco histórico. C. Vivenda.

Reclamamos un convenio Xunta- Concello para rehabilitar 3 vivendas de propiedade municipal (1 rúa dos Fornos, 1 rúa San Martiño, baixada a paseo río Avia) e 2 solares tamén municipais na rúa dos fornos, para a súa rehabilitación para vivenda pública de aluguer ao mesmo tempo que se dinamiza unha zona degradada do Casco histórico de Ribadavia.

 

 

 

Algunha referencia: https://ribeiroencomun.wordpress.com/2018/04/17/ribeiro-en-comun-demanda-a-intervencion-inmediata-do-concello-na-casa-derruida-de-propiedade-municipal/

 

  • Sistema de saneamento e subministro de auga pública e Beirarrúas San Cristovo: Augas de Galicia.

Algunha referencia: http://www.laregion.es/articulo/o-ribeiro/ribadavia-reclama-nueva-traida-agua-aceras-san-cristovo/20180714093101809259.html

Investimento na rede de abastecemento de auga no municipio de Ribadavia, na zona da localidade de San Cristovo. Concretamente, no tramo de conducións que vai desde o parque empresarial ata o entronque coa estrada N-120 (Ourense-Vigo), en O Serralleiro, cunha lonxitude de 2 quilómetros. Na actualidade existen antigas tuberías de fibrocemento, actualmente prohibidas, rompen continuamente, e as avarías afectan ás empresas ubicadas na área industrial, e tamén ao medio millar de veciños de San Cristovo,

 

  • Reforzamento do sistema de saneamento e subministro de auga pública desde a localidade de Santo André de Camporredondo.

Algunha referencia: https://ribeiroencomun.wordpress.com/2018/02/04/santo-andre-de-camporredondo-continua-sen-auga-publica-mentres-o-goberno-municipal-segue-sen-arranxar-a-situacion/

 

https://ribeiroencomun.wordpress.com/2018/01/26/mocion-de-urxencia-para-que-o-concello-de-ribadavia-resolva-a-ausencia-de-auga-en-santo-andre-de-camporredondo/

 

  • Reforzamento do sistema de saneamento e subministro de auga pública nos núcleos das Chabolas, A Groba e Sanín, no Concello de Ribadavia.

“PROXECTO ABASTECEMENTO E SANEAMENTO EN A GROBA E AS CHABOLAS,FASE I”,

Algunha referencia: https://www.farodevigo.es/portada-ourense/2015/09/16/piden-solucion-problema-abastecimiento-agua/1314322.html

 

  • Arranxo e rehabilitación da Ponte medieval da Veronza: Patrimonio e Consellaría de Cultura.

 

Algunha referencia: http://www.laregion.es/articulo/o-ribeiro/concello-ribadavia-urge-reparar-puente-veronza/20181004093909827262.html

 

 

 

  • Limpeza e mellora da Ponte de San Francisco. C. Infraestruturas.

Algunha referencia: https://ribeiroencomun.wordpress.com/2018/02/13/ribeiro-en-comun-pide-nunha-mocion-o-arranxo-da-ponte-de-san-francisco-de-ribadavia-e-o-arranxo-do-entorno-das-termas-de-prexigueiro/

 

 

 

Advertisements
Publicado en Sin categoría | Deixar un comentario

Despois dun novo retraso do goberno local volvemos reclamar un verdadeiro arranxo destas beirarrúas de máis de 30 anos proposto por Ribeiro en Común e aprobado no Pleno de novembro 2016

Ribeiro en Común reclama un verdadeiro arranxo das beirarrúas entre Francelos e Ribadavia e denuncia o retraso do goberno que opta por un lavado de cara que non arranxará esta infraestrutura.

  • A mellora destas beirarrúas foi un acordo entre Ribeiro en Común e a Concellaría de Obras e Facenda recollido nos Orzamentos 2017 e aprobados en novembro de 2016 en Pleno municipal.
  • Proxecto de reforma confirma que a actuación do Concello chega con moita demora e retraso e por riba consistirá nunha intervención menor e superficial de lavado de cara que non resolverá o problema.

Ribadavia 11 de decembro de 2018.

En relación cun novo anuncio propagandístico do actual goberno, a realidade é que comezará con moita demora, o que demostra que único interese é vender fume en plena campaña electoral. O proxecto ten previsto unha duración de 6 meses dos cales 3 son de pavimentación, o goberno ven de anunciala unha vez máis (a última vez fixo o mesmo en agosto) cando a realidade é que está aprobada a proposta de Ribeiro en Común desde novembro de 2016. Por riba, anuncian que o comezo da obra será inminente cando a realidade é que desde o Concello aínda se debe rematar a obra da beirarrúa da rúa Virxe do Portal que aínda está por facer.

Ademais desta demora, a futura intervención traizoa o que debera ser un proxecto integral municipal de arranxo real e non unha mellora parcial e superficial destas beirarrúas, Ribeiro en Común reclamamos que se realice un arranxo integral e non só na superficie. Reclamamos que sexa un verdadeiro arranxo e non un lavado de cara superficial, ademais demandamos que o proxecto inclúa as dúas beiras e non unha soa.

Despois de 30 anos desde que se realizaran estas beirarrúas, o seu arranxo superficial non resolverá os problemas que teñen debido a súa antigüidade.

Por todo isto vimos de solicitar unha vez máis que:

–          Que desde o Concello de Ribadavia se realice un proxecto integral de arranxo das beirarrúas de Francelos a Ribadavia. Un arranxo que inclúa cambio e renovación de tubaxes de auga, con separación de residuais e pluviais, así como instalacións de tubaxes de subministro eléctrico.

–          Demandamos que o arranxo sexa amplo e total e non se remita unicamente á un arranxo superficial e puntual da superficie que non vai resolver o mal estado no que se atopan estas beirarrúas.

–          Que o arranxo contemple ademais os dous lados das beirarrúas, e non só unha parte.

Ribeiro en Común reclamará que desde a oficina de rehabilitación municipal, quen redactou dito proxecto, elaboren un informe técnico sobre si este proxecto resolverá os problemas estruturais e reais que teñen estas beirarrúas despois de 30 anos desde que foron construídas.

Para Ribeiro en Común este sería un parche temporal, sobre todo cando na localidade de Francelos son demasiado habituais as avarías da rede de subministro abastecemento e tratamento da rede municipal de auga, polo que un arranxo sen investir nesta rede suporía agravar un problema que xa existe.

#PorUnConcelloDeTodosEparaTodas #ConstruíndoUnCambioPosible #RibeiroEnComún #UnConcelloAberto

Publicado en Sin categoría | Deixar un comentario

Ribeiro en Común presentarase ás eleccións como proxecto municipalista e veciñal coa súa propia marca autónoma

Ribeiro en Común presentarase coa súa propia marca para as vindeiras eleccións municipais de Ribadavia.

  • A Asemblea foi unánime decidindo presentarse coa marca Ribeiro en Común ás vindeiras eleccións e tratar de involucrar a máis veciños e veciñas nun proxecto plural para o cambio en Ribadavia.
  • Decidimos presentarnos ás vindeiras eleccións coa nosa propia marca. Apostamos por un proxecto municipalista que prioriza o Concello de Ribadavia, sen máis. A única promesa será seguir traballando por un cambio de progreso  imprescindible.
  • Ademais aprobouse un calendario político para a elección da súa candidatura.

 

201811_ReC_Portada_rrss_1

 

Ribadavia a 23 de novembro.

Ribeiro en Común decidiu o pasado 23 de novembro na súa Asemblea que repetirá como marca electoral de maneira independente e mantendo o seu perfil e proxecto veciñal tratando de sumar máis activos. As persoas que representarán a Ribeiro en Común para as eleccións municipais de maio de 2019 serán decididas en primarias no mes de marzo.

A espera de irse configurando a súa candidatura, o obxectivo será que mesture continuidade e renovación. O que está asegurado é que será por primarias internas e que serán en dúas fases, por unha banda para elixir á persoa que será candidato ou candidata á Alcaldía de Ribadavia, e outra na que se elixirán os demais tramos da candidatura.

Ribeiro en Común abordamos a última parte da lexislatura con optimismo e moito ánimo polo recoñecemento que as veciñas e veciños nos transmiten no día a día, así mesmo coa vontade de liderar unha alternativa de goberno e cambio, reflexo de ser o grupo con maior actividade municipal e de propostas aprobadas en Pleno.

Ribeiro en Común pretende seguir aumentando o colectivo e base social e liderar o cambio de goberno que se sinte nas rúas do municipio. O colectivo que nestes anos foi medrando, quere chegar aínda a máis xente, plasmándose este aumento nunha candidatura plural, seria e competente, que compaxine coñecemento, cualificación e pluralidade, unha candidatura representativa da sociedade real do municipio de Ribadavia.

#Ribadavia #RibadaviaPodeSerOutraCousa #PorUnConcelloDeTodosEparaTodas #RibeiroEnComún

Publicado en Sin categoría | Deixar un comentario

Breves reflexións sobre o mes de novembro no Concello de Ribadavia

Compartimos estas breves reflexións do noso portavoz, Brais Fidalgo, sobre o mes de novembro que ven de rematar no Concello de Ribadavia.

201811_ReC_Portada_rrss_1

Rematou o mes de novembro e deixounos varias leccións- conclusións no Concello de Ribadavia, que eu resumiría así:

  1. Ribeiro en Común unha vez máis é o grupo que máis actividade e propostas fai no Concello. Neste Pleno 5 Mocións, todas con vontade de construír e sumar.
  2. Hai gobernantes no Concello que din non cobrar pola súa “presenza” no consistorio, está por ver, pero utilizan recursos e persoal municipal para beneficio propio.
  3. Temos un Alcalde que ampara e protexe que un camión municipal, con operarios municipais, e en horario laboral carrexen leña a domicilios particulares do Tenente-Alcalde e concelleiro de servizos (número 2 do goberno municipal).
  4. Mentres hainos que prefiren non opinar sobre o caso e mirar para outro lado, mesmo a pesar de algún estar supostamente na “oposición” están máis preocupados con Ribeiro en Común que coas “mañas” e xeitos dos que nos gobernan na capital do Ribeiro e tamén en San Caetano.
  5. O pasado día 23 de novembro a asemblea de Ribeiro en Común decidiu presentarse ás vindeiras eleccións como unha alternativa de cambio para Ribadavia lonxe de ruídos foráneos, e facelo coa súa propia marca de maneira independente. Decidimos continuar como proxecto municipalista que prioriza o Concello de Ribadavia, sen máis. A única promesa será seguir traballando polo cambio urxente que precisa Ribadavia e o seu Concello.

 

Ribadavia a 2 de decembro de 2018.

#Seguimos #PorUnConcelloDeTodosETodas #UnConcelloAberto #OCambioQueRibadaviaPrecisa #Ribadavia #RibeiroEnComún

Publicado en Sin categoría | Deixar un comentario

Pedimos que o Alcalde de Ribadavia cese ao seu Tenente Alcalde por malversación

Ribeiro en Común pide que o Alcalde de Ribadavia non ampare comportamentos caciquís e cese ao Tenente- Alcalde por empregar recursos públicos para o seu beneficio persoal.

  • Alcalde de Ribadavia non pode amparar este comportamento probado do seu número 2 no goberno. Algo que moitos veciños e veciñas de Francelos coñecen como público e notorio.
  • O actual Alcalde é quen o puxo na súa candidatura e quen o nomeou único Tenente Alcalde de Ribadavia, polo tanto é o máximo responsable das súas accións.
  • Se non o cesa e o mantén na Xunta de Goberno estará encubrindo este gravísimo feito de caciquismo e malversación.

 

Ribadavia, a  29 de novembro de 2018

O Grupo Municipal de RIBEIRO EN COMÚN ten constancia e probas fidedignas dun acontecemento que vai contra as normas básicas do bo goberno e que supoñen un feito gravísimo no funcionamento do Concello de Ribadavia. Queremos denunciar o uso de material municipal, o uso do camión municipal de usos múltiples do Concello, e o uso de persoal laboral do Concello en beneficio persoal do actual Tenente- Alcalde do Concello de Ribadavia.

Este feito gravísimo que denunciamos, e do cal temos probas, tivo lugar en horario laboral do Concello e dos seus traballadores o pasado martes 20 de novembro de 2018 na localidade de Francelos (Municipio de Ribadavia), cando empregados públicos en horario de traballo nun camión municipal transportaron leña para uso privado nun inmoble familiar.

Ribeiro en Común manifesta o rexeitamento e condena a estas formas impropias dunha institución democrática. O Alcalde de Ribadavia non pode permitir que un membro do goberno municipal empregue recursos públicos do Concello para interese e beneficio persoal.

Por todo isto, Ribeiro en Común reclámalle ao Alcalde do Concello de Ribadavia, como Presidente do consistorio e xefe de persoal, que cese de maneira inmediata ao Concelleiro que cometeu esta infracción política e ética tan grave para un gobernante municipal. Esta persoa debe ser cesada como Tenente Alcalde e membro da Xunta de Goberno por parte do señor Alcalde de Ribadavia, que é quen ten a potestade para facelo e polo tanto o máximo responsable destes feitos.

A dimisión como Concelleiro desta persoa é unha cuestión que só depende da vontade do denunciado e do Alcalde que foi quen o colocou na candidatura do PSOE de Ribadavia en maio de 2015, por conseguinte non lle corresponde ao noso grupo municipal demandala.

En base as escusas encubridoras escoitadas no Pleno de novembro, adiantámoslle xa ao señor Alcalde que:

  • Non é a nosa labor denunciar os feitos xudicialmente, mais si alguén quere facelo nos estamos dispostos a presentar as probas en sede xudicial para demostrar este feito de malversación.
  •  Este goberno que xa pediu anteriormente a dimisión de algún concelleiro da oposición, que non é do noso grupo, debera agora ser coherente sobre todo porque falamos dun Concelleiro que xestiona recursos públicos de todos. Deben dar exemplo e non pedir só as dimisións dos demais.
Publicado en Sin categoría | Deixar un comentario

RIBEIRO EN COMÚN RECLAMA NUNHA MOCIÓN QUE O CONCELLO DE RIBADAVIA TRANSFORME O CAMIÑO DO MUIÑO EN SAN CRISTOVO NUNHA RÚA DE UTILIDADE PARA A VECIÑANZA

Este é un camiño situado no centro de San Cristovo e que une a estrada autonómica co paseo do río, dándolle servizo a casas e fincas, e que a pesar da súa centralidade nunca foi abordado por este Concello a súa conversión nun camiño de utilidade e transformación nunha nova rúa de San Cristovo, o que suporía unha mellora importante xeneralizada para toda a veciñanza de San Cristovo.
Por estes motivos propomos ao Pleno do Concello de Ribadavia a adopción da seguinte Moción:
– Que o Concello de Ribadavia transforme o camiño do muíño de San Cristovo nunha nova rúa de utilidade para a veciñanza.

Publicado en Sin categoría | Deixar un comentario

RIBEIRO EN COMÚN RECLAMA QUE O CONCELLO DE RIBADAVIA ARRANXE E MELLORE O ENTORNO DA IGREXA DE SAN XÉS DE FRANCELOS

RIBEIRO EN COMÚN RECLAMA QUE O CONCELLO DE RIBADAVIA ARRANXE E MELLORE O ENTORNO DA IGREXA DE SAN XÉS DE FRANCELOS.

  • O espazo no que está situado este monumento prerrománico é de competencia municipal e o seu mal estado non se corresponde co importante valor monumental de San Xés.
  • Un monumento de grande valor que debe ter sinalización, iluminación, e urbanizar con empedrado o seu entorno. Ademais de poñer en valor todo o que é entorno de San Xés de Francelos.

 

A situación da Igrexa prerrománica de San Xes de Francelos é moi mellorable. O obxecto que ocupa esta Moción, por ser competencia estritamente municipal, é o seu entorno e rúas na que se atopa situada a capela. O  certo é que non se corresponde o enorme valor histórico do monumento coa situación na que se atopa o entorno, que é de competencia municipal e que se atopa en estado de abandono e deixadez. En novembro de 2016 o grupo municipal de Ribeiro en Común propuxeramos: a “Mellora e arranxo do entorno de San Xés. Mellora do adro. Mellora do campo da súa parte de atrás. Instalación de farola nova e papeleira. Reparación de punto de información. Arranxo camiño e zona da “Aldea” de acordo coa protección de Patrimonio a través do seu empedrado. Instalación nas rúas de Francelos de sinalización da igrexa de San Xés”.  Esta acción, xunto a outras moitas, incorporouse ao Orzamento 2017 que foi aprobado e sen embargo e por desgraza nada se fixo no relativo a mellora de San Xés de Francelos.

Por estes motivos propomos ao Pleno do Concello de  Ribadavia a adopción dos seguintes ACORDOS:

  1. Que o Concello de Ribadavia leve a cabo Mellora e arranxo do entorno de San Xés por ser da súa estrita competencia, e consistente en cando menos: A mellora do adro. Mellora do campo e espazo público no que se atopa e no que está situado na súa parte de atrás. Instalación de lámpadas novas e papeleira. Reparación de punto- sinal de información. Arranxo camiño e zona da “Aldea” de acordo coa protección de Patrimonio a través do seu empedrado. Instalación nas rúas de Francelos de sinalización da igrexa de San Xés. Instalación de valado protector entre este espazo do monumento e a caída á vía do tren. Todo de acordo a normativa vixente.
  2. Que para elo o Concello de Ribadavia a través do seu servizo de arquitectura, realice un Plan de mellora e reparación do entorno da Igrexa de San Xés de Francelos. Todo de acordo a normativa vixente.
Publicado en Sin categoría | Deixar un comentario